«С утра пораньше». Информационно-музыкальный канал. kab

  «Махуэпежьэ» пщэдджыжь нэтыным и гугъу дощI мы махуэхэм ди республикэм щекIуэкI лъэпкъ театрхэм я къэрал зэхуаку фестивалым. Фестивалым ипкъ иткIэ Къэбэрдей къэрал драмтеатрым и артистхэм утыку кърахьащ философие гупсысэ куу зыщIэлъ Чехов Антон и «Балий хадэ» пьесэм къытращIыкIа спектаклыр. Ар театреплъхэм къазэрыщыхъуам, фестивалым хиубыдэу нобэ щыIэну Iуэхугъуэхэм дытопсэлъыхь. Нэтыным апхуэдэуи дохъуэхъу нобэ зи юбилейр зыгъэлъапIэ филологие щIэныгъэхэм я доктор, профессор ТIымыжь Хьэмыщэ. Нэтыным къыщопсалъэхэр: Шэрджэс Мухьэмэд – КъБ-м гъуазджэхэмкIэ щIыхь зиIэ и лэжьакIуэ; Хьэвжокъуэ Людмилэ -Урысейм щIэныгъэхэмкIэ и академием и Къэбэрдей-Балъкъэр щIэныгъэ къудамэм и Гуманитар къэхутэныгъэхэмкIэ институтым адыгэ-шэрджэс литературэмкIэ къудамэм и унафэщI.